Seba Roja Mayan, Keyeyê Zarokîstanî yê Kreşî û Miqateyê Rojaneyî de, çalakîyêka ke amancê xo xurtkerdişê girêdayîşê mabênê maye û gede bî, ame organîzekerdene.

Bernameyo ke hetê Serekîya Daîreya Xizmetanê Sosyalî ya ma ra ame organîzekerdene, Kreşê Zarokîstanî yê 450 Keyeyan de ame viraştene.

Bernameyo ke bi arayîye dest pêkerd, mayî û gedeyî yew sifre de ameyî têhet, û pêroyê demê çalakîye de wextê zaf renginî vîyarnayî.

Çarçewaya bernameyî de cayê kayan ke ameyî awankerdene, kayê gedeyan ê tradîsyonelî zî ameyî kaykerdene.

Çalakîyê sey antişê kendîlî, vazdayîşê çiwalî û fek de kiriştişê hakî, may û gedeyan pîya kay kerd.

Pêroyê demê bernameyî de heyacanê gedeyan û keyfweşîya mayan warê çalakîye de kêmî nêbî.