Çalakîya vazdayîşî ke hetê Şaredarîya ma ya Şaristanê Girdî ra, çarçewaya 15ê Gulane Roşanê Ziwanê Kurdkî de ame organîzekerdene, şaristan rengin kerd.

Çalakî de ke hetê Mudirîya Şûbeyê Pawitiş û Averşîyayîşê Ziwanî ra ame organîzekerdene, bala hemwelatîyan ante ser o ke ziwanê kurdkî ganî bêro pawitene û her warê cuye ra zêde bêro xebitnayene.

Çalakî de ke Sumerpark de dest pêkerd, beşdarî bi muzîkê kurdkî ameyî têhet, û bi govendê ke ameyî girewtene, şewqa Roşanê Ziwanî zêde bî. Vazdayîş Meydanê Şêx Seîdî yê Berê Koyî de ke qedîya, pîrozkerdiş bi nîşandayîşê kayanê şarî dewam kerd.

Sereka Daîreya Kultur, Huner û Karanê Sosyalî Zeynep Yaş ke çalakî de qisey kerd, Roja Mayan zî pîroz kerd, û bale ante ser o ke mayî mabênê neslan de kiriştişê ziwanî de rolêko muhîm gênê.