Çarçewaya Forumê Aştîya Komelkîye û Azadîye de, temsîlkar û ekîbê Weqfa Streetbolzer e.V. ke şaristanê Kasselî yê Almanya ra ameyî Amed û bi amancê xebatanê futbolê kuçeyî û pêardişê ciwanan komelî reyde faalîyetanbkena, zîyaretê Şaredarîya Amedî ya Şaristanê Girdî kerd.

Hemşaredarê ma Serra Bucak û Dogan Hatunî, heyetî reyde derheqê faalîyetan de ke warê ciwanîye û sporî de kenê, mişewre kerd.

Qiseykerdişî de; xebatê futbolê kuçeyî yê pêroyî, kulturê tribûnî yê alternatîfî û projeyê sosyalî ke ciwanan ser o fokus benê, ameyî erjnayene.

Bi taybetî atolyeyê ke do gedeyan û grûbanê terefgiran reyde bêrê viraştene ser o erjnayîş ame kerdene ke aştî, pîyayî û kulturê pîyaciwîyayîşî sporî reyde senî xurt benê.