Hemşaredara Amedî Serra Bucak, Hemşaredarê Yenîşehîrî Safiye Akdag û Mehmet Ergun, Hemverfeka Meclîsê DBB'yî Demet Ceylan û endamê meclîsê ma reyde, Odaya Citekarîye ya Yenîşehîrî ya Amedî zîyaret kerd û 14ê Gulane Roja Citekaran a Dinya pîroz kerd.

Hemşaredara ma Bucak ke zîyaretî de qisey kerd, vat: "Averşîyayîşê dewan seba ma muhîm o, ma wazenê awan bikerê.

Derheqê na babete de ma wazenê fikr û pêşnîyazanê şima zî goşdarî bikerê." Derheqê xebatan de ke hetê Serekîya Daîreya Xizmetanê Dewan ra yenê kerdene melumat ame parekerdene, û Serekê Odaya Citekarîye Suleyman İskenderogluyî zî problemê ke citekarî rastê ci yenê, ardî ziwan û îfade kerd ke muhîmîya ke Şaredarîya ma dana xizmetanê dewan, waran ra yena dîyene.