Roniştişo pancin ê kombîyayîşê adetkî yê aşma gulane yê Meclîsê Şaredarîya ma ya Şaristanê Girdî, awanîya xizmetê şaredarîye de ame viraştene.

Kombîyayîşî de ke bi serekîya Hemşaredarê ma Dogan Hatunî ame viraştene, 15ê Gulane Roşanê Ziwanê Kurdkî ame pîrozkerdene.

Hatunî bale ante polîtîkayanê teda û asîmîlasyonî ser o ke vera ziwanê kurdkî yê, vat: "Ma warê her cuye de ziwanê xo do bixebitnê."

Qiseykerdişê endamanê meclîsî û hemşaredarê qezayan de zî bale ame antene warê nasname û kulturî de muhîmîya ziwanî ser o.

Qiseykerdişan ra dima madeyê rojeve ameyî wendene û pêşkêşê reydayîşî bîyî.