Kayê tîyatroyî yo "Moraşîn" ke bi koordînasyonê Serekîya Daîreya Kultur, Huner û Karanê Sosyalan ame organîzekerdene, Merkezê Kultur û Kongre yê Çand Amedî de ame sahnekerdene.

Kayo ke zaf tîyatrohesan temaşe kerd, bi plansazîya sahne, muzîkê ci û qiseykerdişê bi temaya rîtuelîye bale ante.

Pêroyê demê nîşandayîşî de kaykaran bi performansê xo seyrkerdoxî mest kerdî. Kayo ke hetê Ghotbedin Sadeghiyî ra ameyo nuştene û îdarekerdene, bi kadroyê 50 kesan a kayker û danskeran ame sahne ser o.

Mudirê Şûbeyê Pawitiş û Averberdişê Ziwanan Tahir Baykuşakî 15ê Gulane Roşanê Ziwanê Kurdkî pîroz kerd û va: "Bi kurdkî tîyatro kerdene, heman wext de xizmetê ziwanê kurdkî yo."