Çarçewaya Forumê Aştî û Azadîya Komelkîye de panelê "Çarçewaya Meseleya Kurdkî de Îdeolojîya Feqîrîye" ame viraştene.

Beşdarê panelî ke moderatorîya ci hetê Mudira Şûbeyê Xizmetanê Sosyalan û Karanê Hetkarî Nihal Bozhan Ozbek ra ameye kerdene, sey qiseykerdoxan Ozgur Amed, Sosyolog Dr. Semîha Ari û Serekê Komela Sarmaşik yo Verên Şerîf Camci beşdar bîyî.

Panelî de ke bale ame antene ke cinîyî feqîrîye giranêr ciwîyenê, ame qeydkerdene ke seba mendebîyayîşê aştîya komelkîye gere edaleto sosyal, demokrasîya herêmkî û seypêyîya ekonomîke pîya bêrê awankerdene.

Hemşaredarê ma Serra Bucak û Dogan Hatun, Hemserekê Pêroyî yê DBPyî Keskin Bayindir û kesê bîbî beşdarê panelî bîyî.