Serekîya Daîreya Îtfaîye, seba zêdekerdişê kapasîteya mudaxelaya afate, adir û qezayanê trafîkî, bi beşdarîya 183 personelan bernameyêkê perwerdeyî yê zereyî yo hîra viraşt.

Perwerdeyo teorîk Merkezê Kultur û Kongre yê Çand Amedî de, perwerdeyo pratîk zî warê Amîrîya Grûba Îtfaîye ya Kayapinarî de ame viraştene.

Perwerdeyan de mudaxeleya adirî, qezayanê trafîkî de xelaskerdiş, teknîkê parçekerdişê erebeyan, hetkarîya verêne û babetê şofortîya biemnîyete ameyî erjnayene.

Çarçewaya programî de ke bi hemparîya Mudirîya Weşîya Wîlayetê Amedî û AFAD’î ame viraştene, amancê o yo ke zanayîşê personelan ê teorîk û pratîkî bêrê zêdekerdene û bitaybetî verê sezonê hamnanî de ekîbî biresê kapasîteya mudaxeleyaa hîna bi lez û tesîrdare.