Şaredarîya Amedî ya Şaristanê Girdî, verê Roşanê Qurbanî, şaristan de waranê rotiş û serebirnayîşê qurbanan ra heta zîyaretê goristanan, pakîye ra heta res, kontrolan ra heta xizmetê baytarî, derheqê zaf babetan de kombîyayîşê amadekarîye viraştî.

Kombîyayîşan de ke bi koordînasyonê Serekîya Daîreya Karanê Weşîye ame viraştene; ame qerardayene ke hîjyen, weşîya cugehî û tedbîrê komresî bêrê zêdekerdene, waranê serebirnayîşê qurbanan de baytarî bêrê wezîfedarkerdene, xebatê derman û dezenfeksîyonî bêrê kerdene.

Pêroyê demê roşanî de ekîbê zabita kontrolanê xo zêde kenê, û seba zîyaretê goristanan ê hemwelatîyan otobusî do bêrê tayînkerdene.

Sewbîna waranê rotişê û serebirnayîşê qurbanan ame dîyarkerdene, û heqê serebirnayîşê heywananê girdan ê serra 2026î 8.000 TL, heqê serebirayîşê heywananê qijan zî 1.500 TL ame eşkerakerdene.