Hemşaredarê Amedî yê Şarsitanê Girdî Dogan Hatun, beşdarê bernameyê eşkerakerdişê "Rêbera Nuştişî / Ferhengî" bî ke hetê Weqfa Mezopotamya ra ame amadekerdene, û dîyar kerd ke na xebate seba ziwanê kurdkî standardîzasyonêko muhîm o.

Hemşaredar Hatunî îfade kerd ke ferhengo ke berhemê keda texmînen new serran o, badê ci seba kesê ke do ziwanê kurdkî ser o xebate bikerê, çimeyêko muhîm û rayîr-nîşandayox o û va ke kurdkî vera polîtîkayanê asîmîlasyonî yê se-serran zî, bi têkoşînêko bêemsal resaya ewro.

Hatunî ke dîyar kerd ke şaredarîyî û sazgehê ziwanî eşkenê xebatanê pîyayan bikerê, bale ante ser o ke do seba ke kurdkî bibo ziwanê perwerdeyî têkoşînê xo dewam bikerê.

Hemşaredar Hatun badê naye, beşdarê bernameyê şîir-goşdarîkerdişî bî ke hetê Şaredarîya Sûrî ra ame organîzekerdene.