Hemşaredara Amedî Serra Bucak, beşdarê çalakîya Şewa Velîmeya Amedî bîye ke Keyeyê Edebîyatî yê Amedî de ame viraştene, û bale ante averşîyayîşê tarîxî yê têkoşînê cinîyan ser o.

Hemşaredare Bucak dîyar kerd ke cinîyan seba heqanê sîyasî, ekonomîk û komelkî bi se serran o têkoşîn kerdo û îfade kerd ke hereketê cinîyan tena herêmkî bî, la vurîya bî xeta têkoşînêko unîversal.

Bucak bale ante şîdetê vera cinîyan, polîtîkayanê şerî û îhlalanê heqan ser o û qeyd kerd ke hêrişê vera destkewteyanê cinîyan zêde bîyê, û va ke cinîyan gere zemînê têkoşînê hemparî xurt bikerê.

Bucak ke derheqê tecrubeyê têkoşînê tarîxî yê cinîyan ê kurdan de zî qisey kerd, îfade kerd ke têkoşînê azadî, seypêyî, edalet û aştîye, bi temsîlîyetê cinîyan ê seypêyî rasterast girêdaye yo.