Şaredarîya Amedî ya Şaristanê Girdî, bi amancê ke problem, waştiş û pêşnîyazê hemwelatîyan cayê xo de bigîro, Parka Rîhan û Parka Mîlletî yê qezaya Baglarî de stand rona.

Ekîbanê ma yê Ca De Çarekerdişî yê ke girêdayeyê Serekîya Daîreya Çapemenî, Weşan û Têkilîyanê Şarî yê, hemwelatîyan rê derheqê xizmetê şaredarîye de melumatî dayî, û bi rayîrê qutîyanê "Vatiş yê Şima yo" zî waştiş, pêşnîyaz û şîkayetî rasterast ameyî arêkerdene.

Mudira Şûbeyê Têkilîyanê Şarî Bahar Soysal va: "Hemwelatîyê ma do waştişê xo binusnê û bierzê qutîyan. Amancê ma zî o yo ke bi serekîyanê daîreyanê eleqedaran reyde koordîne û bi fokuskerdişê çareyî waştişan biresnê netîce.

Çarçewaya fehmê ma yê xizmetî de ke hemwelatî tede fokus ê, ma do xebatanê xo cayanê cîya-cîyayan ê şaristanî de dewam bikerê."