Şaredarîya Amedî ya Şaristanê Girdî, seba dayîşgirewtişê xidayan ke Roşanê Qurbanî ra ver zêde benê, şaristan de tesîsanê market, şîranî, şekir û xidayê huşkî roşenê, tede kontrolî kerdî.

Kontrolan de ke hetê ekîbanê girêdayê Serekîya Daîreya Karanê Weşîye û Serekîya Daîreya Zabita ra ameyî kerdene, tarîxê xebitnayîşê peyênî yê xidayan, warê berhemardişî, depoyê hewayê serdî û şertê teknîkî yê dikanan ameyî kontrolkerdene.

Sewbîna seba rotişê madeyanê teqoq û veşnoxan ke seba emnîyetê gedeyan û hemwelatîyan eşkenê tehlukeyin bibê zî, kontrolî ameyî kerdene.

Kontrolê ma do pêroyê demê roşanî de zî dewam bikerê.