Balyozê Komara Şarî ya Çînî yê Ankara Jiang Xuebin û heyetê ey, Şaredarîya Amedî ya Şaristanê Girdî zîyaret kerd.

Hemşaredarê Şaredarîya Şaristanê Girdî Serra Bucak û Dogan Hatun, Balyozê Ankara yê Komara Şarî ya Çînî Jiang Xuebin û heyetê ey mêman kerdî. Balyoz Zhou Meifen, Mişawirê Kulturî Liu Shiqia û katîb Qiu Zhenxiong û Zhang Ying zî beşdarê zîyaretî bîyî.

Kombîyayîş awanîya xizmetî ya Şaredarîya Amedî ya Şaristanê Girdî de bî. Mabênê Tirkîya û Çînî de têkilîyê dîplomatîk û kulturî sewîya îdareyanê herêmkîyan de senî hîna aver şinê, ameyî erjnayene. Bitaybetî potansîyelê Amedî yê warê turîzmî, citekarî û teknolojî ser o qisey bî.

Hetan pare kerd ke tecrubeyê xo û projeyê pîya yê mumkinan rê akerde yê. Bale ame antene muhîmîya dewamkerdişê têkilîyan ser o ke waranê cîya-cîyayan de demê ameyoxî de bibê.

Kombîyayîş de, Hemverfekê Meclîsê DBB'yî Demet Ceylan û Ayhan Karatekin û Hetkara Sekreterê Pêroyî Zerin Turk, Hemşaredaran reyde bîyî.