Hemşaredarê Amedî Serra Bucak û Dogan Hatunî, çarçewaya zîyaretanê warî de ke şaristan de kenê, Cadeyê Yilmaz Guneyî yê qezaya Kayapinarî de esnafî zîyaret kerd û waştiş û pêşnîyazê înan goşdarî kerdî.

Hemşaredaranê Amedî, hem Roşanê Qurbanî yê esnafan, hem zî yê hemwelatîyan pîroz kerd.

Esnafan zî waştişê xo yê derheqê res, serûberê cugehî û dermanî de resnayî Hemşaredaran.

Hemşaredarê ma bale ante ser o ke seba Projeyê Sîstemê Asinrayîrî ke hewcedarîya şaristanî yo, xebatêka xurte kenê, û qeyd kerd ke xebatanê asfaltî û dermanî bi lez bikerê, û waştişê esnafan ke ameyî resnayene seba çareserkerdişî yewînanê eleqedaran reyde do bêrê parekerdene.