Şaredarîya Bajarê Girdî yê Amedî qezayanê xo yê merkezî de bi destekê şaredarîyanê qezayan kampanyaya pakîye dana destpêkerdene.

Serekîya Daîreya Kontrol û Pawitişê Derûdorî, bajarî mîyan ra xeylê cayan de, 136 rayîrê girdî, meydan, termînalê otubusan, yê mîyanê bajarî, yê qezayan de û nêweşxaneyan de kampanyaya pakîye dana destpêkerdene. Xebate bi 3 ekîban yena organîzekerdene, 25ê nîsane roja panşemeyî saete 8.00ê (tr.20.00) şanî de Qezaya Rezan, Dortyol de dest pê kena. Kampanya goreyê taqwîm û lîste, cayo ke ameyo dîyarkerdene, uca de do dewam bikera.

Hemşaredarî: Wa şarê ma paştî bido na kampanya

Derheqê na kampanya de hemşaredaran qisey kerd û va; "Wa şarê ma paştî bido na kampanya û ê saetan de çopê xo dekerê poşetan û bierzê konteyneranê çopî."