Festîvalê Şanoya Amedî qedîya

Hemşaredarê Bajarê Girdî yê Amedî Dogan Hatunî, Festîvalê Şanoya Amedî yê 9. de kîlîseya Surp Gîragosî de kayê Gomîdasî temaşekerdoxan reyde pîya temaşe kerd.

Bi paştîdayîşê Serekîya Daîreya Karanê Sosyal û Kulturî Festîvalê Şanoya Amedî yo 9. Bi kayê Gomîdasî qedîya. 18ê nîsane de festîval dest pêkerdbî, xeylê kayê tîyatroyî nê festîvalî de ameyî kaykerdene.

Hemşaredarî kayo peyên temaşekerdoxan reyde pîya temaşe kerd

Roja peyêne ya festîvalî de Hemşaredarê Bajarê Girdî yê Amedî Dogan Hatun, Hemşaredarê Yenîşehîrî Safîye Akdag û Mehmet Ergun û Hemşaredarê Sûrî Fatma Gulan Onkol û Adnan Orhanî zî pîya temaşe kerd.

Hemşaredar Dogan Hatun şarî ra eleqeyêko gird dî.

Qiseykerdişê padayîşî de kaybazê tîyatroyî Ozcan Ateşî heme temaşekerdox û paştîdayoxan rê sipas kerd.

 Hatun: Wa keda her kesî weş bo

Hemşaredarê Bajarê Girdî yê Amedî Dogan Hatun beşdaran rê sipas kerd û va; "Ma kayê ewroyî ra zaf hes kerd, wa keda her kesî weş bo."

Dogan Hatunî kayî ra dima plaketêk da kaybazanê kayê Gomîdasî.

Image Gallery

Serrnameyî de bigêre

« Temmuze 2024 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31