Fûarê Mezopotamya yê Zîreetî dest pêkerd

Hemserekê Şaredarîya Bajarê Girdî ya Amedî Dogan Hatûn akerdişî Fuarê Zîreetî û Pesdewarî yê Mezopotamyaye de qisey kerd û dîyar kerd ke fuar do bibo sebebê averşîyayîşê pesdewarî û zîreetî yê bajarî.

15 Fuarê Ramitişî û Pesdewarî yê Mezopotamyaye ke bi hemkarîya Odaya Meslegî û Bazirganî yê Amedî (DTSO) û Rêxistina Fuaran ê Mezopotamyaye ame organîzekerdiş, ame akerdiş. Hemşaredarê Bajarê Girdî yê Amedî Dogan Hatûn, Hemşaredarê Bajarê Girdî yê Mêrdînî Ahmet Turk û Devrîm Demîr, Hemşaredarê Bajarê Girdî yê Wanî Abdullah Zeydan, Walîyê Hewlêrî Omêd Xoşnav, Serekê DTSOyî Mehmet Kaya beşdarê merasîmê akerdişê Fuarî Mezopotamyaye bîyî. Merkezê Kongreya ke 314 marka û şîrket ci de beşdar bîyî, Serekê Borsayî Bazirganî yê Amedî Engîn Yeşîl, Serekê Herêma Meslegî yê Organîzeyê Amedî (OSB) Mustafa Fîdan, temsîlkarê odaya bazirganî û meslegî yê bajar û qezayê derûdorê û temsîlkarê sazgehê sivîlî beşdar bîyî.

Serekê DTSOyî Mehmet Kaya ke qiseykerdişê akerdişî yê bernameyî kerd, ard vîr ke ramitiş Mezopotamyaye de dest pêkerdo û vat, "Erkê ma oyo ke cografyaya ramitişî, gastronomîyê ramitişî, turîzmê ramitişî aver berê. Lazim o yew erkê ma yê tewr muhîm o bî ke ma nê ercê  ke do roja nê mîrasê ma girewtê, biresnê neslê ameyoxî."

Hatûn: Ma nika wêrankerdiş hîna zelal vînenê

Hemşaredarê Bajarê Girdî yê Amedî Dogan Hatûn dîyar kerd ke weçînayîşê herêmî de şar bi îradeyêk pîl paştdayîş da îradeyê xo. Hatûnî qiseykerdişê xo wina dewam kerd: “Ma sipasîya şarê xo kenê ke ma layîqê nê karî dîyê. 8 serrî yo heme şaredarîyê ma destê qeyûman de bîyî. Ma nika wêrankerdişê ke înan kerdê zaf zelal vînenê. Awdayîşî ra bigî heta binesazgehî, karê ramitişî qezayanê teberî ra bigî heta vurnayîşê bajarî, înan çîyêk kerdê ke feydeyê şarî rê bibo, nêkerdê."

'Ma do dest bidê yewbînan û problemê xo bi fedakarî çareser bikerê'

Hatûnî vat ke ê do xizmetê şarî biresnê her hetê bajarî û wina vat: “Tu problemêk ke nêro  çareserkerdiş çin o. Ma do bi rêxistinê xo yê sivîlî reyde pêro problemê xo çareser bikerê. Ma do qeza bi qeza, dewe bi dewe, taxe bi taxe, kuçe bi kuçe bi şarê xo reyde destê xo bidê yewbînan û bi fedakarîyêk pîlî problemê xo çareser bikerê. Ma do hewl bidê ke bi şaredarîyê xo yê Wan, Mêrdîn û bajarê bînî reyde hemkarî bikerê û îradeyê çareserkerdişê problemanê xo bimojnê."

'Fuar do hemkarîyê ramitişî û pesdewarî bikero'

Hatûnî seba akerdişê fuarî sipasîya DTSOyî û Mezopotamya Fuarcilikî kerd û wina vat: “No fuar do bajarê ma de bibo hetkar ke pesdewarî û ramitişî aver şêro. Erdê Mezopotamyaye ewro zî zaf bi bereket ê. Tarîx de çemê Dîcle û Firatî her tim herêkênê û heta ewro zî cuya  derûdorê ê çeman qut nêbîyê. Amed zî wina yo. Semedê nê vernî de seba merdimayî genim ame ramitiş. Nêzdîyê 30-40 serrî yo şarê ma ramitişê herre ra dûr kewtê. Na polîtîka ya şarî nîya, ê dewlete ya. Seba çareserkerdişê nê problemî ma do bi rêxistinê sivîlî yê bajarî reyde bixebitîyê. Ganî fuarê bi nê rengî zêde bibê ke şarê ma bieşko teknîkê averşîyayîşî ra feyde bîgîro û herre ra feyde bigîro. Ma amade yê ke çi berpirsiyarîyê ma bibê pê bîyarê."

Dimayê qiseykerdişan Hatûn û kesê pê reyde bîyî, qurdeleya fuarî birnayî û standê fuarî geyrayî.

Image Gallery

Serrnameyî de bigêre

« Temmuze 2024 »
Diş Sêş Çrş Pan Yen Şem Yşm
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31