Şaredarîya Bajarê Pîlî ya Amedî, qezaya Baxlarî de refujê rayîran serûber kerdî û dest bi ramitişê 9 hezar û 720 vilê qedîfeyan ke baxçeyê xo de berarde kerdê, kerd.

Vilê mewsîmî yê hamnanî yê ke hetê Mudurîyê Baxçe û Parkan ra Mudurîyê Şitilan ê qezaya Yenîşehîrî bi îmkananê xo berardiş kenê, refujê bajarî xemilnenê. Serekîya Daîreyê Park û Baxçeyan bale ant serê refujê ke no demêk derg o xebatê vilan û peyzajî nîno kerdiş, nîmeyê Bulvarê Dîcleyî ke mîyanê sînorê qezaya Baxlarî de yo û sey Kuçeyê Batikentî yeno zanayîş, vilê mewsîmî yê hamnanî ramit.

Refûj, seba ramitişî ame amadekerdiş

Vernîya ramitişê vilanê mewsîmî yê hamnanî ekîban wareyî vaş ra pak kerd, herra zêde ci ra berdî û refujê Bulvarê Dîcleyî seba ramitişî bi vilan ame amadekerdiş.

9 hezar û 720 vilê qedîfeyî ameyî ramitiş

Seba ke 9 hezar û 720 vilê qedîfeyî merkezê Bulvarê Dîcleyî de tewr zêde estetîk biasê, Mudurîyê Park û Baxçeyan herême de nebatê mazêre, vilî û teflanê zerdî zî ramitî.

Serekîya Daîreyê Park û Baxçeyan qezayanê Sûr, Kayapinar, Baxlar û Yenîşehîrî do ramitişê vil û vilikê mewsîmî yê hamnanî yê ke hetê Mudurîyê Şitilan ra ameyî berardiş dewam bikero.