Dibistanê Sporî yê Hamnanî ke Serekîya Daîreya Xizmetanê Ciwan û Sporî seba gedeyanê grûba emrê 7-17 serrî bi hewayêko bêpere serûber kena, dewam kenê.

Çarçewaya bernameyî de ke 1ê temmuze de dest pêkerd û do heta 4ê êlule dewam bikero, 8 hezar û 377 gedeyî 8 merkezanê cîyayan de 15 beşan de perwerde gênê.

Gedeyê ke beşdarê xebatanê basketbol, jîmnastîk û hentbolî benê, perwerdekaranê pisporan reyde qabîlîyetanê xo yê sporî aver benê û eynî wextî de sosyal benê; ruhê taximî, dîsîplîn, xobawerî, piştîpêdayîş û tecrubeyê pîyaxebitîyayîşî qezenc kenê.

Kursê basketbolî de teqrîben 250 gedeyî perwerde gênê; beşê hentbolî de zî beşdarîye goreyê serra vîyarte zêde bîya.

Şaredarîya ma amanc kena ke sporkerdoxanê biqabîlîyetan biresno taximanê binawanî û eynî wextî de antrenmanan de derheqê zeraranê girêdayîşê dîjîtal û madeyan de xebatê agahdarîye zî ramena.