Çarçewaya Festîvalê Mîyanneteweyî yê Xalîya Firroke yê Gedeyan de ke wayîrîya Şaredarîya Amedî ya Şaristanê Girdî de ame organîzekerdene, seba gedeyan konserî ameyî dayene.

Wayîrîya Serekîya Daîreya Xizmetanê Sosyalan de, hetê Komela Her Ca de Huner ra Festîvalê Mîyanneteweyî yê Xalîya Firroke yê Gedeyan ame organîzekerdene û çarçewaya aktîvîteyanê festîvalî de konserî ameyî dayene.

Konserê festîvalî ke Amfîyê Tîyatro yê Sumerparkî de ameyî organîzekerdene û 16 welatan ra 37 hunermendî tede ca girewtî, gedeyî bi keyeyanê xo ya pîya beşdar bîy.

Gedeyan eleqeyêko zaf zêde konseran rê mojna û bikeyf kay kerd.

Festîvalê Mîyanneteweyî yê Xalîya Firroke yê Gedeyan pêşkêşîya konseran ra dima qedîya.

'Gedeyê ma ewro zaf şa bîy'

May û pîyê gedeyan zî keyfê gedeyanê xo reyde demê ke nêrê vîrakerdene, ciwîyayî. Hedîye Tekînera ke bi gedeyanê xo ya ameybî konser wina va: "pêroyê roje gedeyanê ma zaf keyf kerd. Beşdarê aktîvîteyan bîy. Tewr peynî ma ameyî konser. Gedeyê ma ewro zaf şa bîy. Ma zaf sipas kenê Şaredarîya Şaristanê Girdî rê. Ma paweyê dewamê nînan ê seba gedeyê Amedî."

'Gedeyî zaf weş keyf kenê'

Ozbek Eneş ke va ey bi gedeyanê xo ya pîya şahidîya yew aktîvîteya zaf weşe kerda, wina qisey kerd: "Rasta zî aktîvîteyêka zaf weşe ameya organîzekerdene. Gedeyî zaf weş keyf kenê. Ez sipas kena heme embazan rê ke keda înan tede est a."