Şaredariya Bajarê Mezin a Amedê, "Konferansa Lêgerîna Aştî û Civakeke Demokratîk Ji Bo Astengdaran" li dar xist. Hevşaredar Dogan Hatun, ku di vekirina konferansê de axivî, diyar kir ku xebatên wan ên der barê astengdaran de dikarin ji bo tevahiya Tirkiyeyê bibin mînak û got, ew hewl didin modeleke bajarekî gihîner ava bikin.

Konferansa "Aştî û Civakeke Demokratîk Ji Bo Astengdaran" ji aliyê Serokatiya Daîreya Xizmetên Astengdar û Kalûpîran ve bi mebesta teşwîqkirina tevlêbûna astengdaran di jiyana aborî, civakî û siyasî de di pêvajoya çareserkirina pirsgirêka Kurd de li Navenda Çand û Kongreyê ya Çand Amedê hate lidarxistin.

Hevşaredarên Şaredariya Bajarê Mezin a Amedê Serra Bucak û Dogan Hatun, nûnerên partiyên siyasî û rêxistinên civakî yên sivîl û hemwelatiyên astengdar beşdarî konferansê bûn.

Hevşaredar Hatun: Xebata me dikare ji bo Tirkiyeyê bibe mînak

Hevşaredarê Şaredariya Bajarê Mezin a Amedê Dogan Hatun, di vekirina konferansê de dest bi axaftina xwe kir û got, "Ez hemûyan bi navê Hevşaredar û rêveberiya Şaredariya Bajarê Mezin a Amedê bi rêz û hezkirin silav dikim." Hevşaredar Hatun diyar kir ku îro li vir ji bo lêgerîna aştî û civakeke demokratîk ji bo astengdaran li hev civiyane û bal kişand ser banga 27'ê Sibatê ya der barê çareserkirina pirsgirêka Kurd de.

Hevşaredar Hatun diyar kir ku ji pêşketina bajaran, ji avakirina wan heta şiklê jiyanê, astengdar hatine paşguhkirin û got, "Partiya me di sala 2018'an de dest bi pêvajoyeke manîfestoya astengdaran kiriye. Niha li hemû rêveberiyên xwecihî yên ku me di hilbijartinan de bi dest xistine, em di nav xebatên zindîkirina vê manîfestoyê, vê daxuyaniyê û sozên me yên xurt ên ku me di daxuyaniya xwe ya hilbijartinê de dabûn gelê xwe, yek bi yek de ne. Hûn jî dizanin, di vê pêvajoyê de me li sê bajarên mezin, li herêma me û li Tirkiyeyê jî ku dikare bibe mînak, Serokatiyek ji bo Daîreya Astengdaran ava kir. Mixabin li Wan û Mêrdînê, ji ber tayînkirina qeyûman, ev pêvajo hinekî rawestandî xuya dike, lêbelê xebata heyî ya Amedê dikare ji bo tevahiya Tirkiyeyê bibe mînak."

'Ji bo zimanê îşaretan bang li meclisê dikin'

Hevşaredar Hatun destnîşan kir ku pêvajoya aştiyê jî bi nûkirina her mirovekî re dikare avakirina civakî bîne û axaftina xwe wiha berdewam kir: "Em bi pêşbîniya ku ev pêvajoyên avakirinê ne tenê bi gotinên partiyên siyasî yên devkî an jî saziyên pêwendîdar, lê bi piştgiriya her endamekî civakê ji vê pêvajoyê re, bi nûkirina xwe, bi avakirina xwe dikarin çêbibin, dijîn. Em jî bi kêmanî niha, dema ku nîqaşên destûrê dimeşînin, daxwaz dikin ku zimanê îşaretan jî mîna zimanê me yê zikmakî li Meclisê wekî mafekî bingehîn were nîqaşkirin. Bi rêya we hemûyan, em bi hev re dixwazin ji vir bangekê li Meclîsa Mezin a Neteweyî ya Tirkiyeyê bikin. Em daxwaz dikin ku bi guhertina destûrê re zimanê îşaretan jî wekî zimanekî zikmakî bê nasîn û ev yek bê misogerkirin."

'Pêvajoyê em ê bi hev re ava bikin'

Hevşaredar Hatun got, "Em ê bi hev re di vê pêvajoya avakirinê de bibin dilopek av. Pêvajoyê em ê bi hevre ava bikin. Xwe em ê bi hev re ava bikin. Bajarên xwe em ê bi hev re ava bikin" û wiha berdewam kir: "Bê guman çend tişt hene nabe ku ez behsa wan nekim. Li cihê ku şer û çek tên axaftin, avakirina aştiyê bê guman pir zehmet e. Ger butçeya şeran ji bo jiyana civakî, bajaran û avakirinê hatiba veqetandin, dibe ku îro em ê tiştên cûda bipeyivîn. Em ê bi çalakiyên cûda li cem hev bûna. Têkiliyên xwe yên hezkirinê bo tiştên din xerc bikira. Tam jî ev yek yek ji wan cihan e ku divê avakirina aştiyê û demokratîkbûnê wekî pîvanek were girtin. Îro em dibînin ku Rojhilata Navîn çawa bûye qada şer, em şahidiyê dikin ku fûzeyên ku em navê wan jî nabêjin çawa canê mirovan digirin. Bi butçeya fûzeyekê ku em navê wê jî nikarin bibêjin, dibe ku em hemû kolanên bajarekî di mijara gihîneriyê de veguherînin qadeke guncantir û rasttir. Em tiştekî naxwazin. Em daxwaz dikin ku heman butçeya wê fûzeyê ku em navê wê jî nikarin bibêjin, bi heman mîqdarê, ji bo gihîneriya hemû bajarên ku lê jiyan dikare bê meşandin, bi taybetî ji bo gihîneriya kesên astengdar, bê xerckirin. Em vê jî daxwaz dikin."

'Em hewl didin modeleke bajarî ava bikin'

Hevşaredar Hatun, xebata ku bi pêşengiya Serokatiya Daîreya Xizmetên Astengdar û Kalûpîran û bi manîfestoya partiyên wan danîn ber xwe, bi bîr xist û got, "Destpêka wê me hemûyan bi hev re kir. Daîreya xwe vekir, gav bi gav di zimanê îşaretan de karûbar û qadên din, bi hemû yekîneyên xwe re modelek bajarî ya ku em dikarin dîsa bigihîner bikin nîqaş dikin, rêxistin dikin, hewl didin ava bikin. Ez dubare dikim ku em ê van xebatên xwe bi hêza xwe, di asta ku hêza me derbas bike de, bi ked û gotinên xwe vê jiyanê, vê jiyana demokratîk bi hev re ava bikin."

Konferans piştî axaftina vekirinê bi rûniştinan berdewam kir.