Şaredariya Bajarê Mezin a Amedê, ji bo ku karibe ji welatiyan re xizmeteke baştir pêşkêş bike, semînerek ji bo xebatkarên Navenda Bangewaziyê ya ALO 153 li dar xist.

Rêveberiya Giştî ya Çapemenî, Weşan û Têkiliyên Bi Gel Re, ji bo ku xizmetên kamûyî zûtir, rasttir û bi bandortir werin meşandin, xebatên xwe didomîne. Di vê çarçoveyê de, ji bo nûnerên bangewaziyê yên ku li ALO 153 dixebitin, semînerek bi sernavê "Bipêşxistina Pêvajoyên Xizmetê yên Navenda Bangewaziyê û Zêdekirina Koordînasyona Sazîyan" hat organîzekirin.

Di semînerê de, bi beşdariya daîreyên Şaredariya Bajarê Mezin, Rêveberiya Giştî ya Av û Kanalîzasyonê ya Amedê (DÎSKÎ) û şaredariyên navçeyan, agahiyên berfireh hatin dayîn da ku pêvajoyên xebatê bi bandortir û berdewamtir bin.

Di semînerê de herwiha sernavên wekî "Xebata navenda bangewaziyê ya ALO 153 û binesaziya sîstemê", "Dabeşkirina daxwazên hatine û şandina wan a rast", "Girîngiya koordînasyona navbera saziyan û pêvajoyên ragihandinê", "Şopandina daxwazên welatiyan û birêvebirina bertekên wan", "Bikaranîna amûrên dîjîtal di birêvebirina pêvajoyan de, mînakên serkeftî û pêşniyar" hatin nîqaşkirin.

Di semînerê de girîngiya gihandina serlêdan, pêşniyar, giliyên û agahiyên ku bi riya Navenda Bangewaziyê ya ALO 153, ya ku welatî 24 saetan dikarin bigihîjinê, bi awayekî bêkêmasî, zû û rast digihîjin yekîneyên têkildar, hat destnîşankirin. Di heman demê de li ser mijarên wekî entegrekirina daxwazên hatî ji navenda bangewaziyê bi sîstemên navxweyî yên saziyan, hêzkirina hemahengiyê di navbera yekîneyên peywirdar û pêvajoyên navenda bangewaziyê de, dayîna bersivên bilez û çareserî-navend ji daxwazên welatiyan re, xurtkirina ragihandin, hevkariyî û koordînasyona navbera saziyan û zêdekirina kalîteya xizmetê ji bo domandina dilxweşiya welatiyan hate rawestandin.