Hevseroka Şaredariya Bajarê Mezin a Amedê Serra Bucak, maça Amedsporê ligel alîgirên tîmê temaşe kir û Amedsporê tîma Sariyerê 2-0 têk bir.

Amedsporê, di hefteya 7emîn a Lîga 1emîn de tîma Sariyerê li mala xwe pêşwazî kir. Hevseroka Şaredariya Bajarê Mezin a Amedê Serra Bucak, maça li Stada Amedê di navbera alîgiran de temaşe kir. Li ber deriyê stadê û li trîbûnan alîgirên tîmê eleqeyeke mezin nîşanî Hevşaredar Bucakê dan. Bucak, ku rastî eleqeyeke mezin hat, ligel alîgiran dirûşme berz kir.

Amedsporê, di nîva duyemîn a maçê de bi golên xwe tîma Sariyerê 2-0 têk bir. Bi vê encamê, Amedsporê pûana xwe kir 13 û xwe li rêza 5emîn bi cih kir.

Amedspor, dê di 29ê Îlonê roja Duşemê de, li derve bi tîma Vansporê re bilîze.