Şaredarîya Amedî ya Şaristanê Girdî, çarçewaya xizmetê şaredarîye yê zafziwanî de, Merkezê Vengdayîşê ALO 153î de 6 aşmanê peyênan de 25 hezar ra vêşêr vengdayîşê Kurdkî girewtî û şarî rê bi ziwanê xo yê maye xizmet da.

Kordînatora Merkezê Vengdayîşî Ahwelat Turhallî îfade kerd ke şar xizmetê Kurdkî rê eleqeyêko gird dano û va: "Şarê ma vano 'Ez wazena xo bi ziwanê xo xo îfade bikera, wexto ke ez wina qisey kena, ez problemanê xo zaf rehet eşkena vaja.'"

Seba kirmanckî (zazakî), Îngilîzkî û Erebkî zî xebatê ma do bibê

Turhallî va ke seba çareserkerdişê heme problemanê şaredarîye ê "nêzdîya yew telefonî de" yê. Merkezê Vengdayîşê ma yê ALO 153, nika Tirkî, bi Kurmancî dest bi xizmetî kerdo û seba kirmanckî (zazakî), Îngilîzkî û Erebkî zî do xizmetê xo bido dewamkerdene.