Şaredarîya Amedî ya Şaristanê Girdî, qezaya Çinar de taxanê Ovabax, Hoyukdibî û Ozyar de golekê ke seba zîret û heywandarîtye yenê xebitnayene û sebebanê xozayî ra zerarî dîyî, tamîr kerdî.

Serekîya Daîreya Xizmetanê Dewan, seba averşîyayîşê zîret û heuwandarîye û çareserkerdişê problemanê warê zîretî xebatanê xo dewam kena. Na çarçewa de seranserê şaristanî de seba xebitnayîşê awa bereketine projeyî yenê viraştene, golekê tahrîb bîyî, tamîr benê ke zîret û heywandarîye rê bêrê xebitnayene.

6 hezar heywanî do tira îstîfade bikerê

Herêma Qaracedaxî de taxanê Hoyukdibî, Ovabax û Ozyar de golekî tamîr bîyî, 1750 şarê ma tira îstîfade kenê. Nê golekan ra 6 hezar ra vêşêr heywanî do îstîfade bikerê.

Serekê Daîreya Xizmetanê Dewan Welat Ozerî va herême seba heywandarîye muhîm a, qeza de 15 golekî do tamîr bikerê: "Cayê ke tewr zaf şit û berhemê şitî yeno viraştene Herêma Qaracedaxî ya Çinarî ya. 15 rojan de 3 golekî ma qedênayî."

Şarî ra Ehmed Subatanî va: "Golek rijîyaybî, heywananê ma bê awa mendbî. Şaredarîye seba ma ameye tamîr kena, ma zaf sipas kenê."