Şaredarîya Amedî ya Şaristanê Girdî seba ke gedeyî hamnanî bielkîyê xo biresnê sporî û hetê fîzîkî, sosyal û zîrekî ra xo aver berê mektebê sporî yê hamnanî 8 beşan de bi beşdarîya 2 hezar û 750 gedeyan akerd.

Serekîya Daîreya Xîzmetê Spor û Ciwanan seba ke gedeyê banderê sporî bibê û betlaneyê xo yê hamnanî bi kalîte bivîyarnê mektebê sporî akerdî. Kursî do heta 13 êlule dewam bikê.

11 tesîsanê cîya-cîyayan de gedeyê ke beşdarê kursê esnawe bîy, înan rê bone û verçimkê esnawe ameyî dîyarîkerdene. Beşanê bînan de zî gedeyan rê destekê ekîpmanan ame kerdene.

Gedeyî bi mamostayanê profesyonelan hem musenê hem zî keyf kenê, hem zî wextêko weş vîyarnenê û hem zî hetê beden û zîrekî ra zî sey kesêko biweşîye benê pîl.

Futbol, Basketbol, Voleybol, Tenîsê Masa, Tenîsê Kortî, Kick-Boks, Jîmnastîk, Sporê Şewdirî û Kayê Zîrekî 8 beşan de kursî ameyî akerdene. Gedeyî nê kursan de îmkan vînenê ke bibê sosyal û keyf bikê.