Şaredarîya Amedî ya Şaristanê Girdî ra ekîbê Îtfaîye yê Gerayîş û Xelisnayîşê Binawe, seba ke hamnanî de gole, goleke û royan de rewşê negatîfî ke bene, ci rê bi leze mudaxele bikerê, aşmanê zimistanî de perwerdeyê gerayîş û xelisnayîşî vînenê.

Serekîya Daîreya Îtfaîye de ekîbê Îtfaîye yê Gerayîş û Xelisnayîşê Binawe ke seba xelisnayîşê kesanê ke binê awe de vînî bîyê yan zî talûke de yê, xebatan kenê, zimistan û hamnan nêvanê xebatanê xo dewam kenê.

Ekîba12 kesî, Hewza Anzele ya Şaredarîya Kayapinarî de "şuxulnayîşê pusulaya binê awe, îşaretê binawe, îdareyê probleman, gerayîş û dîyayîşê merdimanê vînîbîyayeyan û çîyanê binê awe, binawkewtişê şewe, binawkewtişê xorînî" ser o perwerde vînenê.

Perwerde do aşmanê zimistanî dewam bikero

Ekîbî hacetê binawkewtişî yê xasî, cîhazê sonar û teknolojîyê gerayîşê binê awe şuxulnenê û operasyonanê gerayîş-xelisnayîşî ramnenê. Ê hetê xeneqîyayîşî, gerayîşê kesanê ke laser û royan de vînî bîyê, vetişê wasita yan çîyanê binê awe, kontrolkerdişê xirabîya binê awe ûsn karanê zehmetîyan anê ca.

Ekîban rê perwerde, bi taybetî seba ke hamnanî de hedîseyê xeneqîyayîşî û felaketê tebîî rê amade bibê, bi endamanê ekîbanê binawe yê pisporan aşmanê zimistanî de do dewam bikero.