Sekreterê Giştî yê Şaredariya Bajarê Mezin a Amedê Emrullah Gorduk, mazûvaniya nûnerên kooperatîf û odeyên ku li bajêr di warê veguhestinê de dixebitin kir.

Serok û endamên Lijneya Rêvebiriya Kooperatîfa Otobusên Gel a Taybet a Amedê, Odeya Xizmetkaran, Odeya Şofêr û Otombîlan û Odeya Ajokarên Mînîbusan, serdana Şaredariya Bajarê Mezin kirin. Nûnerên Kooperatîf û Odeyan bi kom li salona civînên meclîsê bi Sekreterê Giştî yê Şaredariya Bajarê Mezin Emrullah Gorduk, Alîkarê Sekreterê Giştî Reşat Bakan û Serokê Daîreya Veguhastinê Temel Cengîz re civînek li dar xistin.

Di civînan de pirsgirêkên hatinûçûnê yên li bajêr hatin nîqaşkirin, pirsgirêk hatin tespîtkirin, pêşniyarên çareseriyê hatin nîqaşkirin.