Bi mêmandarîya Şaredarîya Şaristanê Girdî kombîyayîşê UCLG-MEWA’yî do bêro organîzekerdene
Bi mêmandarîya Şaredarîya Amedî ya Şaristanê Girdî Kombîyayîşê Pîyayî yê Heyetê Îdarekerdişî û Konseya UCLG-MEWA’yî do bêro organîzekerdene. Kombîyayîşo ke do di rojan dewam biko, tede nêzdîyê 30 serekê şaredarîyanê şaristananê girdan, hemşaredarî û îdarekerê netewî û mîyanneteweyî do beşdar bibê. B
Bi mêmandarîya Şaredarîya Amedî ya Şaristanê Girdî Kombîyayîşê Pîyayî yê Heyetê Îdarekerdişî û Konseya UCLG-MEWA’yî do bêro organîzekerdene. Kombîyayîşo ke do di rojan dewam biko, tede nêzdîyê 30 serekê şaredarîyanê şaristananê girdan, hemşaredarî û îdarekerê netewî û mîyanneteweyî do beşdar bibê.
Bi mêmandarîya Şaredarîya Şaristanê Girdî, 23-24ê Teşrîna Verêne de Kombîyayîşê Pîyayî yê Heyetê Îdarekerdişî û Konseyê Rêxistina Herêma Rojhelatê Mîyanênî û Asyaya Rojawanî ya Şaristananê Yewbîyayeyan û Îdareyê Herêmî (UCLG-MEWA) do bêro viraştene. Kombîyayîş ke do Otelê Wyndham Gardenî yê Amedî de bi temaya "Dîplomasîya Herêmî: Awankerdişê Ameyoxê Bajarî" temsîlkarê îdareyê herêmî bîyaro têhet, amancê ey xurtkerdişê hemkarî û koordînasyonê herêm o. Kombîyayîş de nêzdîyê 30 serekê şaredarîyanê şaristananê girdan, hemşaredarî û îdarekeranê neteweyî û mîyanneteweyî do beşdar bibê.
Qiseykerdişê Akerdişî
Akerdişê kombîyayîşî de Hemşaredara Şaredarîya Amedî ya Şaristanê Girdî Serra Bucak, Sekreterê Pêroyî yê UCLG-MEWA’yî Dr. Mehmet Duman, Hemşaredarê UCLG-MEWA’yî (Tirkîya) û Serekê Şaredarîya Trabzonî ya Şaristanê Girdî Ahmet Metîn Genç, Hemşaredarê UCLG-MEWA’yî (Felestîn) û Serekê Şaredarîya El Xelîlî Tayseer Abu Sneineh, Sekretera Pêroyî ya UCLG’î (Îspanya) Emilia Saiz, Serekê Şaredarîya Balikesîrî ya Şaristanê Girdî û Hetkarê Serekê UCLG’î Ahmet Akin, Serekê Şaredarîya Konya ya Şaristanê Girdî û Serekê Demî yê UCLG’î yê 2023-2024î Ugur Îbrahîm Altay, Serekê Şaredarîya Laheyî û Serekê UCLGî (Hollanda) Jan Van Zanen û Walîyê Amedî Murat Zorluoglu do qisey bikerê.
Kombîyayîş, badê qiseykerdişanê akerdişî bi Kombîyayîşê Heyetê Îdarekerdişî û Konseyê UCLG-MEWA’yî do dewam bikero.
Roniştişî do bêrê organîzekerdene
Kombîyayîş de, di rojan de roniştişê bi nê sernameyan do bêrê organîzekerdene:
-"Komîteya Dîplomasîya Bajarî û Îdareyê Herêmî ya UCLG-MEWA’yî: Hemkarîya Mabênê Şaristanan"
- "Dîyalogê Daraxê Berzî: Tesîrê Sosyalî yê Rojewanê Globalî"
-"Analîzê Herême yo Xoser (VLR): Analîzê Rojewanê Globalî"
-"Komîteya Şaristananê Zîrekan û Mobîlîteya Bajarî ya UCLG-MEWA’yî: Resê Bajarî Herêma MEWA’yî de"
- "Komîteya Şaristananê Zîrekan û Mobîlîteya Bajarî ya UCLG-MEWA’yî: Bajaran de Xoverdayîş û Çareserîyê Zîrekî "
Şima eşkenê bi lînkê cêrênî ra biresê programê kombîyayîşê UCLG-MEWA’yî.
