Hemşaredarê Şaredarîya Amedî ya Şaristanê Girdî Dogan Hatun, Walîyê Silêmanîye Haval Abubaker û heyetê ke reyde bî, kerdî mêman.

Walîyê Silêmanîye Haval Abubaker û heyetê ke reyde bî, Şaredarîya Amedî ya Şaristanê Girdî zîyaret kerd.

Hemşaredar Hatunî badê pêşwazîkerdişî Abubakerî reyde yew kombîyayîş kerd.

Kombîyayîşî de xizmetê şaredarîye û rojeve ser o fikrî ameyî parekerdene.

Abubakerî keyfweşîya xo ya kombîyayîşî îfade kerd û Hemşaredar Hatunî rê serkewtiş waşt.

Zîyaretî de Hemşaredar Hatunî reyde Sekreterê Pêroyî Emrullah Gorduk û endamê meclîsî zî est bîyî.