Bismil de perwerdeyê têkoşînê vera girêdayîşî ame dayene
Perwerdeyî de ke hetê Merkezê Şêwirmendîye û Perwerdeyî yê Girêdayîşê Madeyan ê Şaredarîya Amedî ya Şaristanê Girdî ra Mudirîya Cinî û Keyeyî ya Şaredarîya Bismilî de ame dayene, seba kursîyer û personelan derheqê girêdayîşê madeyan û girêdayîşê pêroyî de agahîyê hîrayî ameyî dayene.
Merkezê Şêwirmendîye û Perwerdeyî yê Girêdayîşê Madeyan ê Serekîya Daîreya Xizmetanê Sosyalan, xebatanê perwerdeyî yê ke zêdekerdişê hişyarîya komelî ya seba têkoşînê vera girêdayîşî ser o dewam keno. Na çarçewa de Mudirîya Cinî û Keyeyî ya Şaredarîya Bismilî de seba kursîyer û personelan derheqê girêdayîşê madeyan û girêdayîşê pêroyî de perwerdeyê hişyarîye ame dayene.
Perwerdeyî de ke hetê pisporan ra ame dayene, tarîfê girêdayîşî, tewirê ci, faktorê rîskî yê ke benê sebebê girêdayîşî û tesîrê ci yê fîzîkî, psîkolojîk û sosyalî ke kesî ser o virazenê, bi teferruat ameyî erjnayene. Beşdaran rê ame îzahkerdene ke girêdayîş tena kesî ney, keye û komelî ser o zî tesîr keno û problemê weşîya şarî yo muhîm o.
Nîşanê rewî û prosesê dermankerdişî ameyî îzahkerdene
Çarçewaya perwerdeyî de seba beşdaran muhîmîya naskerdişê nîşananê rewan ê girêdayîşî ameye îzahkerdene, derheqê metodanê nêzdîbîyayîşê raştî yê kesanê girêdayeyan, prosesê dermankerdişî û mekanîzmayanê muracatî de agahîyê hîrayî ameyî dayene. Bernameyî de bale ame antene ser o ke hişyarîya rewe û mudaxeleyo biwextî rêjeya serkewtişî ya têkoşînê vera girêdayîşî zêde kena.
Beşdarî ney ra teber, derheqê rayberîkerdişê kesanê ke talûkeyê girêdayîşî de yê, hetê mekanîzmayanê destekî, muhîmîya prosesanê ardimê profesyonelî û rolê destekê keyeyî yê demê dermankerdişî de agahdar bîyî.
Bale ame antene rolê îdareyanê herêmkîyan ser o
Perwerdeyî de, têkoşînê vera girêdayîşî de bale ame antene berpirsîyarîya keye, cugehê sosyalî û îdareyanê herêmkîyan ser o. Muhîmîya xebatanê pawitox û vernîgiran a xurtkerdişê weşîya komele ser o qiasey bî û me îfadekerdene ke pîyahereketkerdişê dezgehanê komelkî û heme beşanê komelî, vernîgirewtişê girêdayîşî de rolêko krîtîk o.
Perwerdeyo ke persê beşdaran zî tede ameyî cewabdayene, pê erjnayîşanê xurtkerdişê hişyarîya komelkî û hemkarîya têkoşînê vera girêdayîşî ame temamkerdene.
Xebatê perwerdeyî do dewam bikerê
Şaredarîya Amedî ya Şaristanê Girdî, bi amancê derheqê girêdayîşî de zêdekerdişê hişyarîya komelî, vilakerdişê xebatanê pawitox û vernîgiran, xebatê perwerde û agahîdayîşî ke seba grûbanê emr û meslekî yê cîya-cîyayan ê, dewreyê ameyoxî de zî dewam bikera.