Serekîya Daîreya Çapemenî, Weşan û Têkilîyanê Şarî, bi amancê ke hewceyîyanê warî cayê xo de tesbît bikera û xebatanê xo yê çareser-merkezî dewam bikera, têkilîya rasteraste ya hemwelatîyan reyde dewam kena.

Çarçewaya xebata warî de ke hetê ekîbê Ca De Çarekerdişî yê girêdayeyê Mudirîya Şûbeyê Têkilîyanê Şarî ra yena ramitene, taxanê dewan ê qezayanê Çinar, Sûr, Yenîşehîr, Baglar û Kayapinarî de karkeranê citekarî reyde ameyî têhet.

Zîyaretan de çarçewaya piştîdayîşî de seba karkeranê citekarî yê ke binê tîje de xebitîyenê şawqa ame vilakerdene û şertê xebate yê rojane, hewceyî û waştişê hemwelatîyanê ke binê germîya berze de xebitîyenê derheqê bajarî de ameyî goşdarîkerdene û seba ke yewînanê têkilîdaran rê bêrê resnayene, yenê qeydkerdene.