Şaredarîya Amedî ya Şaristanê Girdî, bi amancê destekkerdişê citekarî û heywandarîye û kêmîkerdişê tesîranê neyinîyan ê zuwayîye ke aşmanê hamnanî de tesîrê xo zêde kena, 11 qezayan de 47 golanê awa şimitişî ya heywanan (HÎS) û awedayîşî de xebata miqate, tamîr û newekerdişî kena.

Çarçewaya bernameya xebate ya 47 golan a plankerdîye de, reya peyên ekîbî Taxa Erlerî ya girêdayeyê qezaya Bismilî xebitîyayî. Netîceya xebata girane de ke ekîbê girêdayeyê Serekîya Daîreya Xizmetanê Dewan kerde, gola ke taxe de ya, newe bîye.

Pê xebata miqate, tamîr û newekerdişî ke gole de ame bicaardene, 90 citekarê ke taxe de bi heywandarîye şuxulîyenê rasterast ameyî destekkerdene, hewceyîya awa şimitişî ya 4 hezar heywananê ke herême de yê zî girewîya binê emnîyetî.