Şaredarîya Amedî ya Şaristanê Girdî mucadeleyê zimistanî vera kêzikan qedêna û seba hamnanî xebatanê ULV dest pêkerdî. Gazinanê şarî %80 kêmîyayî. Serekê Daîreya Karê Weşîye Vahap Saçaklî va ke şar emser probleman nêvîneno.

Ekîbê Yewîna Dermankerdişî ya Mudirîya Şefîya Karê Veterînerî ya Serekîya Daîreya Karê Weşîye, metodanê zanistîyan reyde xebatanê dermanjerdişî yê vera melşe, dimpişik û qijnikan kenê ke weşîya merdiman tehdît nêkerê û nêweşîyê sey malarya, tifo, kolera, dîzanterî ra şar bipawê.

Xebatê dermankerdişî 290 personelan, 66 wasitayan, 61 holderî, 15 atomîzorî, 61 cîhazê ULV û 200 pompayê piştî reyde 17 qezayan de benê. Ekîbî saete 06:00-12:00 de karê larvasîtî, saetê 16:00-24:00 de dermankerdişê vera melşe û dimpişikan kenê. Hedefê mucadeleyî wedaritişê vektoran o.

Saçaklî va: "Şarê ma rehet bibo. Ma xo û ekîbê xo ra bawer kenê. Şar emser sey verê cû zehmetî nêvîneno." Mucadele bêvindertiş dewam keno.