Mudirîya Pêroyî ya DÎSKÎ ya Şaredarîya Amedî ya Şaristanê Girdî, bi xebatêka yew aşme, dewa Çitlibaxçeyî ya girêdayeyê qezaya Hezroyî de problemê awe yo ke 7 serran ra devam kerdêne, safî kerd.

Mudirîya Pêroyî ya DÎSKÎ (Îdareyê Awe û Kanalîzasyonî yê Amedî), yewna xebate îlaweyê xebatanê xo kerd û  dewe û qezayanê bajarî de xebatanê dewam kena. DÎSKÎ, dewa Çitlibaxçeyî ya qezaya Hezroyî de, seba ke hewcedarîya awa şimitişî temîn bikero, 1300 metre derg xetêka şebekeyi ya newîye ronaybî. Xebata ke teqrîben aşmêk o ke meydanî de dewam kerdêne, qedîyayî. Badê kontrolî ke do 3 rojî bibo, dewa Çitlibaxçeyî ya ke 40 keyeyî û 250 nifûsê xo est o, do bireso awa bêvindertene.

'Ma ca de etud kerd'

Mudirê ŞefÎya Hezroyî yê DÎSKÎ Alîcan Taş, ke derheqê xebata Çitlibaxçeyî de de qisey kerd, qeyd kerd ke tayê qismê dewa Çitlibaxçeyî xeta awa şimitişî ya ke est a, tebere ci de menda, û keyeyê ke nêeşkenê biresê awe, rewşa înan ca de etud kerd.

'Ma problemê awe safî kerd'

Taşî bale ant ke bi xebatanê ekîbanê teknîkî, 1300 metre derg xeta îlaweye ronaya û problemê awe safî kerdo û va, "Badê ke giredayîşê xete bêro qedênayene, 2-3 rojan de do awe bêro dayene. Ma sey DÎSKÎ xebatanê xo bêvindertiş dewam kenê".