Şaredarîya Amedî ya Şaristanê Girdî, 10 kîlometre derg rayîrê grube yê dewanê Axaçgeçît-Topyolu-Çîçeklîyurt ke qezayanê Baglar û Çinarî de 6 dewan gêno mîyanê xo, tede xebatanê asfaltî dest pêkerd.

Serekîya Daîreya Viraştişê Rayîrî û Koordînasyonê Bawanîyî, seba ke res hîna emnîyetin û rehet bibo, xebatanê xo 17 qezayanê bajarî de dewam kena. Ekîbî, rayîranê dewan ê grube û rayîranê girêdayeyan de xebatanê bingeyî, pirkerdiş stabîlîze û asfaltî kenê û problemanê resî safî kenê.

Ekîbê ke virastişê rayîranê neweyan qedênenê û dekenê xizmetê şarî, rayîrê grube yê dewenê Axaçgeçît-Topyolu-Çîçeklîyurt ke 6 dewan ê qezayanê Baglar û Çinarî gêno mîyanê xo, tede xebatanê asfaltî dest pêkerd.

10 kîlometre rayîrî rê asfalt yeno rokerdene

Rayîrê grubî yê dewanê Axaçgeçît-Topyolu-Çîçeklîyurt ke 10 kîlometre derg o û dewanê Axaçgeçît, Topyolu, Çîçeklîyurt, Kirkinçik û Develî yê qezaya Baglarî reyde dewa Kiliçkaya ya qezaya Çinarî bi yewbînan girê dano û 3 hezar kesî tede ciwîyenê, ekîbê ke xebata PMT qedêna, 20ê Gulane xebatanê asfaltî da destpêkerdene. Ekîbanê ke 2 km rayîrî rê asfalt rokerd, qismê 8 kîlometreyî ke mendo, rojanê ameyoxan de do biqedênê.

Badê ke xebatê asfaltî bêrê qedênayene, rayîr do bêro akerdene.