Mudirîya Pêroyî ya DÎSKÎ ya Şaredarîya Amedî ya Şaristanê Girdî, bi vurîyayîşê ke Zabitnameyê Tarîfeyê Aboneyan de ame kerdene, xizmetanê awe û kanalîzasyonî de vurîyayîşêko hîra yo îdarî, sosyal û teknîkî da destpêkerdene û hem grûbanê xizmetan reyna tarîf kerd hem zî destegê sosyalî yê şarê ke ameyeyê înan kêmî yo, kerd garantîyê sazgehî.

Qerarê Heyetê Pêroyî yê DÎSKÎ (Îdareyê Awa û Kanalîzasyonî ya Amedî) derheqê vurîyayîşê "Zabitnameyê Tarîfeyê Aboneyan" de Meclîsê Şaredarîya Şaristanê Girdî qebul kerd. Tanzîmo newe ke 1ê Hezîrane 2025 de do dest pêbikero, esasê xo de vurîyayîşêko hîra, struktur û mekanîzmaya destegê sosyalî ke xeylê vurîyayîşî derheqê xizmetanê awe û kanalîzasyonî de hewêneno.

Vurîyayîşê strukturî û esasê şefafîye

Zabitnameyê newe tena tarîfeyan nê, prosesêko vurîyayîşê bîngehîn o ke hetê tewirê aboneyî ra bigire heta şuxulnayîşê saetan, heqê xizmet û cezayan newe ra dîzayn keno. Seba her tewir aboneyî tarîfê xizmet û pereyî reyna ame tarîfkerdene. Seba aboneyan ê keye, tesîs, daîreyê resmî, wextî û têmîyayeyan cîya-cîya tarîfeyî ameyî viraştene. DÎSKÎ, bi no hewa hem wazena ke xizmetî bibê strukturêka maliyet bingeyin hem zî wazena bikero ke bêro kontrolkerdene.

Tarîfeya seba şarê ke destegê sosyalî gênê

Çerçewaya zabitnameyî de aboneyê keye yê ke qeyd bîyî bernameyê destegê sosyalî ya Şaredarîya Amedî ya Şaristanê Girdî û deynê înan ê awe çin o, 18 metrekubîkê verên ê awe do tena 1 TL de bixebitnê. Reyna nê şaran rê xizmetê kuka, vidanjor û erebeyê kombîne zî do bêpere bibê. No tetbîq hem sey destekê krîzê ekonomîkî hem zî sey garantîyê sazgeyî yê heqê ciwîyayîşê bingeyin yeno hesibîyayene.

Seba cayê îbadetî û keyeyê tazîyeyî

Zabitnameyê neweyî de seba cayê îbadetî û sazgahê perwerdeyê dînî zî tanzîmêko newe ca girewt. Cayê îbadetî sey camî, kilîse, cemxane, kursê Qur'anî, heqê xizmetanê awe û binawanîya teknîkî nêyeno girewtene. Keyeyê tazîyeyî de tarîfeyê %50 erjanî yeno tetbîqkerdene.