Şaredarîya Amedî ya Şaristanê Girdî seba ke tarîx û mîrasê kulturî yê şaristanî bêro naskerdiş, gêrayîşî organîze kerdî û 60 cinî û gedeyan tira îstîfade kerd.

Programê gêrayîşan de ke Serekîya Daîreya Xizmetanê Sosyalan û Serekîya Daîreya Karanê Kultur û Sosyalan, seba ke cinî û gedeyê 9-14 serreyî tarîx, mîrasê kulturî û herêmanê derûdorî binasnê, dabî destpêkerdebe, qedîyayî. Programî reyde gedeyî û cinîyê ke merkez û qezayanê dewan ra beşdarê gêrayîşî bîyî, firsend dîyî ke heremanê kulturî yê muhîman ê Amedî ca de bivînê.

Zaf cayanê tarîxîyan rê gêrayîşî ameyî organîzekerdene

Programê gêrayîşan de bi taybetî gedeyê herêmanê dewan yê ke firsend nêvinenê ke cayanê tarîxî û kulturîyan ê şaristanî bivînê, înan rê firsend ame dayene. Merkezê şaristanî de Kompleksê Muzeyan ê Îçkaleyî (Muzeyê Arkeolojîye), Camîyê Hz. Suleyman, Dêra Surp Gîragosî, Minaraya Çarlinge, Camîyo Gird, Keyeyê Edebîyat û Muzeyê Ehmed Arîfî, Keyeyê Dengbêjan, Muzeyê Şaristanî yê Cemîlpaşayî, Maketê Sûrî, Qelaya Dîyarbekirî û Baxçeyê Hewselî, Pirdo Desberin û Farqînî de Eşkeftê Hasûnî, Pirdê Melabadî, Camîyo Gird ê Farqînî, Camîyê Şaredarîye, Minaraya şikita, Konaxê Azîzogluyan, Konaxê Ustuneran, Berê Kulfa, Burcê Şêran, Burcê Zembîlfroşan; Gêl de Kanyonê Selman, Girê Zîyaretî, Qelaya Asûrî û Dêra ci; Erganî de Girê Çayonu, Eşkeftê Hîlaran; Çinarî de Qesrê Şêxê Rindî, Şikeftê Suleyman Aga, Çeme Reş, Qelaya Zerzevanî de gêrayîşî ameyî organîzekerdene û pêro pîya hezar û 60 xwendekar û cinî beşdarê gêrayîşî

bîyî.