Çarçewaya "Têhetameyîşanê Vîr û Hafıza" ke Şaredarîya Şaristanê Girdî ya Dîyarbekirî organîze kerd de sînemaya rejîsor, senarîst û weşanger Taha Karîmî ame munaqeşakerdene.

Yewîneya Sînema (Sînebîr) ke binê Serekîya Daîreya Karanê Kulturî û Sosyalan xebitîyena, Merkezê Kultur û Kongre yê Çand Amedî de panel organîze kerd. Seba Rejîsorê kurd Taha Karîmî ke 2013î de şîyo heqîya xo, panelêk ame organîzekerdene. Panelo ke Rejîsor Ardîn Dîrenî moderatortî kerd, tede Sarkew Masgarî û Fehîme Karîmî sey qiseyker beşdarê ci bîyî.

Sarkew Masgarî: "Temaya bingeye ya heme fîlmanê Taha Karîmî şer û qirkerdişê komelkî bîyî. Sey sînemagerekî vera şerî kes eşkeno bido erjnayene." Karîmî bi ziwanêko sembolîk aştîye û cuya hempar mojnaybî.

Fehîme Karîmî: "Taha tena birayêk nêbî, hezkarkêko baş û mamosteyêk zî bî. Ey bi seyan hîkayeyî mûnitî. Taha sey kitabêko gird bî û zaf rûpelê nê kitabî est ê."

Zeynep Yaş (Sereka Daîre): "Wefa bingeyê hunerî yo. Karîmî bi cuya xo ya kilme û cehdê xo yo bêemsal ma rê eseranê rindan û mîrasêko kulturî yo neteweyî û pêt verda."

Program bi nîşandayîşê fîlmê Karîmî "Cehşê Spî" dewam kerd.