Şaredarîya Amedî ya Şaristanê Girdî seba ke şarê ke şaristanî de ciwîyenê, bieşkê xo hîna erjan biresnê xidayanê bingeyinan ê sey nanî Fabrîkaya Nanê Şarî akena.

Serekîya Daîreya Karanê Fenî, goreyê fehmê şaredarîya komelkî projeyêko muhîm tetbîq kena. Fabrîkaya Nanê Şarî ke Taxa Baxcilar a Qezaya Baglarî de do bêro viraştene, do rojane 100 hezar nan vejo û pêşkêşê şarî bikero 

Tesîso ke îhaleya ey ameye kerdene, bi qedîyayîşê prosedurê resmî xebatê înşaatî demêko kilm de do pê bikerê. Hedef o yo ke fabrîkaya nanî peynîya serra 2025î de dest bi xizmetî bikero.