Hemşaredarê Amedî yê Şaristanê Girdî Serra Bucak û Dogan Hatun beşdarê komxebata tîryakîye bîyî ke bi serekîya Meclîsê Weşîye yê Konseya Bajarî bi nameyê "Têkoşînê vera Tîryakîye de Nêzdîbîyayîşêko Hemparîkî" ame viraştene.

Hemşaredarê ma Serra Bucak û Dogan Hatun beşdarê komxebata "Têkoşînê Tiryakîye de Nêzdîbîyayîşêko Hemparekî" bîyî ke Meclîsê Weşîye yê Konseya Bajarî û Merkezê ma yê Şêwirmendî û Perwerdeyê Tiryakîya Madeyan organîze kerd.

Komxebate ke heta 1ê Hezîrane do dewam bikero, zaf sernameyî derheqê têkoşînê tiryakîye de bi nêzdîbîyayîşêko hîra do bêrê munaqeşakerdene. Bucak bale ante pêşnîyazanê çareserîya têkoşînê tiryakîye ser o û va "Badê na komxebate ma şênê xetêka têkoşînê zaf pêtî vejê."

Qiseykerdişê akerdişî ra dima prezentasyonê "Nîyadayîşo Pêroyî yê Tiryakîye Sero" ame tetbîqkerdene. Komxebate bi roniştişan do dewam bikero.