Serekîya Daîreya Çapemenî, Weşan û Têkilîyanê Şarî ya Şaredarîya Amedî ya Şaristanê Girdî seba ke şar hîna rehet xo biresno rayberîyanê herêmkîyan, Qezaya Baglar de Dortyol de ma standê "Ca de Çarekerdiş" ronayî. Personelê şaredarî ke standan de yê, waştîşê şarî pers kerdî, pêşnîyazê înan qeyd kerdî.

Sereka Daîreya Çapemenî, Weşan û Têkilîyanê Şarî Berîvan Guneş ke derheqê xebatan de zanayîş da, va ke seba ke xebatî hîna bitesîrin bibê înan Komîsyonê Têkilîyanê Şarî awan kerd û endamê meclîsî yê weçînayeyan reyde pîya seba ke têkilîyê şarî hîna bihêz û biweşîye bibê xebatêka wina kenê.

Guneş qeyd kerd ke ê do hewtêna Cadeyê Nukhet Coşkunî ser o xizmet bidê.