Konseya Bajarê Amedî, seba ke bajar de xebatê ziwanî hîna bikoordîne û dewamkerdox bêrê kerdene,  qerar girewt ke "Meclîsê Ziwanî" awan biko.

Heyetê Îdareyî yê Konseya Bajarê Amedî, Merkezê Kultur û Kongre yê Çand Amed de kombîyayîşêk kerd. Kombîyayîşî de endamê Heyetê Îdareyî yê Konseya Bajarî, akademîsyen, temsîlkarê rêxistinanê komelê sivîlî û sazgehê eleqedarî beşdar bîyî.

Seba "Meclîsê Ziwanî" Qerar Ame Girewtene

Sazgeh û kesê ke bajar de qada ziwa de xebate kenê, înan reyde kombîyayîşî ra dima qerar ame girewtene ke bajar de seba ke xebatê ziwanî hîna bikoordîne û dewamkerdox  bêrê kerdene "Meclîsê Ziwanî" ame awankerdene. Beşdaraî derheqê ziwanê dayîke, zafziwanîye, heqê ziwanan û cuya komelkî cayê ziwanî de fikir û pêşnîyazê xo pêşkêş kerdî.