Meclîsê Şaredarîya Amedî ya Şaristanê Girdî, seba ke xîzmetanê komresî de emnîyet û kontrol zêde bikero, qerarê "Karta Şoforan" qebul kerd.

Meclîsê Şaredarîya Şaristanê Girdî, kombîyayîşê asayî yê aşma hezîrane yo dîyin viraşt. Kombîyayîşo ke bi sererkîya hektara hemşaredarîye Evîn Yelboga de Salona Meclîsî de ame kerdene, tede Serekîya Daîreya Resî goreyê Madeyê 14. yê Zabitnameyê Erebeyanê Komresî yê Taybetîyan ê Şaredarîya Şaristanê Girdî, çarçewaya qeydkerdişê kar û tesîsanê şoforanê plakayanê tîcarî de tetbîqatê "Karta Şoforan" ame erjnayene.

Qerar bi İtifaqê Heme Vengan Ame Girewtene

Binê banê Şaredarîya Şaristanê Girdî de erebeyê ticarî yê plakayanê TT, S, M û HO seba ke xîzmetanê komresî de emnîyet û kontrol zêde bibo, qerar bi îtifaqê heme vengan ame qebulkerdene.

Qerarî reyde heme şoforê erebeyanê ticarî yê plakayanê TT, S, M û HO mecbûr bîyî na karte bigîrê. Şoforê ke ehlîyetê înan ê sinifa Dyî corêr est ê, şênê pê "Karta Şoforan" xebate bikê.

Perwerde û Raporê Weşîye Do Mecbûr Bibo

Prosesê karte ra dima û vurîyayîşê ke do bêrê kerdene, dima hetê Şaredarîya Şaristanê Girdî ra ganî perwerde bêro girewtene û raporê weşîye bêro girewtene ke madeyê tîryakî nêameyî antene.