Şaredarîya Amedî ya Şaristanê Girdî seba ke cuya ekonomîke de cayê cinîyan hîna vêşî bikero û rayîrê îmkananê îstîhdamî seba cinîyan akero, xebatanê xo yê kursanê meslekîyan dewam kena.

DÎSMEK ke binê banê Serekîya Daîreya Karanê Sosyalan de ca gêno, pê kursanê xo yê  kuaforîye hem cinîyan rê meslek bander keno hem cinîyê bînî ke ameyeyê înan kêmî yo, înan rê xizmeto bêpere dano.

Kursê kuaforîye ke Parka Goletlî û Sumerpark de yenê dayene, 34 cinî perwerdeyê qesnayîşê porî, şekildayîş, boyax û makyajî genê. Perwerdeyo ke 15ê kanûne de dest pêkerd, heta aşma temmuze dewam kerd. Do qeydê neweyî zî hewteyê dîyîn ê aşma temmuze ra dest pê bikerê ke bêrê girewtiş.

Cinîyê ke ameyeyê înan kêmî yo, seba înan xizmeto bêpere

Kursîyerê ke perwerde gênê xebata saha de cinîyê ke ameyeyê înan kêmî yo, seba înan bêpere xizmeto bêpere danê na çerçewa de 110 cinîyan rê xizmetê kuaforîye yo bêpere ame dayene.

Astengdaran rê xizmetê miqateyî yo bepere

Serekîya Daîreya Astengdar û Pîran de, Keyeyê Miqateyî û Arisîyayîşî yê Gunduzluyî de seba astengdar û pîran xizmetê miqateyo şexsî bêpere yeno dayene.