Hemşaredara Şaredarîya Amedî ya Şaristanê Girdî Serra Bucak beşdarê kombîyayîşê Komîsyonê Daşinasnayîş û Averberdişê Bajarî bîye.

Kombîyayîşo ke awanîya xizmetî ya Ajansê Averberdişî yê Qerajdaxî virazîya û Walîyê Amedî Murat Zorluoglu ci rê serekîye kerd, Hemşaredara Şaredarîya Şaristanê Girdî Serra Bucak, Serekê Odaya Ticaret û Sanayî ya Amedî (DTSO) Mehmet Kaya, Sekretero Pêroyî yê Ajansê Averberdişî yê Qerajdaxî Yunus Çolak û temsîlkarê dezgehanê fermîyan beşdarê ci bîyî.

Kombîyayîşî de babetê girîngî yê sey daşinasnayîşê erjanê kulturî û turîstîkan ê Amedî ca girewtî. Verê pêşkêşîya Envanterê Kultur û Turîzmî yê Bajarê Amedî ame kerdene. Badê beşdaranê kombîyayîşî rê derheqê projeyan de ke Ajansê Averberdişî yê Qerajdaxî desteg kena, melûmat ame dayene.

Kombîyayîşî de qerar ame girewtene ke seba Heyetê Daşinasnayîş û Averberdişê Bajarî (İTGK) ekîbê daşinasnayîş û projeyan bêro awankerdene.

Peynî de hazirîyê Festîwalê Rayîrê Kulturî yê Amedî ke 11-19ê Teşrîna Peyêne 2025î de plan beno ameyî qiseykerdene.