Şaredarîya Amedî ya Şaristanê Girdî, Rayîrê Grûbe yê Taxanê  Gunalan - Geyîksirtî de ke 15 km yo û 8 taxanê girêdayeyê Qezayanê Karax û Sûrî û 11 dewan gêno xo mîyan, dest bi xebata asfaltî kerd.

Serekîya Daîreya Koordînasyonê Pawitişê Rayîr û Binawanî, seba ke pêroyê şaristanê de res hîna ewle û rehet bibo, 17 qezayan de taxanê dewan de xebatanê xo dewam kena. Ekîbî rayîranê grûbe yê taxan û girêdayeyan de xebatê binge, pirrkerdişî, stabîlîze û asfaltî kenê û problemanê şarî yê resî rê çareyan peyda kenê.

Ekîbê ke dewan de viraştişê rayîranê neweyan qedênayî û dekerdî xizmet, bi no hewa Rayîrê Grûbe yê Taxanê Gunalan - Geyîksirtî de ke 8 taxanê girêdayeyê Qezayanê Karaz û Sûrî û 11 dewan gêno xo mîyan, dest bi rokerdişê asfaltî kerd.

Rayîro 15 km yeno asfaltkerdiş

Ekîbê ke rayîrê 15 kmyî de ke taxanê Arpaderesî, Çelîklî, Eryolu, Beybulak, Sayarlar, Çubuklu, Gunalan û Suçiktî û dewanê Konaklar, Yukarî Eryolu, Sarikaş, Kiziltepe, Tapîk, Aktepe, Geyîksirtî, Ateşler, Yilmazlar, Yalçinkaya û Haydarîka yewbînan rê girê dano, xebata PMT qedênaya, 11ê Temmuze ra nat dest bi rokerdişê asfaltî kerd.

Çarçewaya xebatan de parçeyêko 5 km ame asfaltkerdiş, parçeyo 10 km ke mendo, do rojanê ameyoxî de biqedîyo.

Badê qedîyayîşê xebata asfaltî, rayîr do dest bi xizmetî bikero.