Şaredarîya Amedî ya Şaristanê Girdî, derheqê xebatanê dermankerdişî de ke şaristanê pêroyî de dewam kenê, kombîyayîşêko hîra organîze kerd. Kombîyayîşî de heme problemî bi detayanê xo ameyî tehlîlkerdene û metodê çareserîye yê neweyî ameyî dîyarkerdene.

Serekîya Daîreya Xebatanê Weşîye, Merkezê Kongre û Kulturî yê Çand Amedî de kombîyayîşêk organîze kerd ke personelê Yewîneya Dermankerdişî beşdar bîyî ke şaristanê pêroyî de xebitênê. Kombîyayîş de ke bi serekîya Serekê Daîreya Xebatanê Weşîye Vahap Saçaklî ame viraştene, xebatê dermankerdişî yê ke 290 personelî xebitênê, problemê ke saha de yenê meydan, sebebê gazinanê ke şarî ra yenê, tedbîrê ke mintiqayanê probleminan de do bêrê girewtiş û metodê cîya-cîyayî yê ke şênê bêrê tatbîqkerdene ameyî tehlîlkerdene. Kombîyayîşî de dîyar bî ke ganî xebatê hîna tesîrdar, berdar û encamgir bêrê kerdene.

Waştişê muxtaran ameyî hesabkerdene 

Koordînasyonê Serekîya Daîreya Çapemenî û Şarî Reyra Têkilî, zîyaretan de ke Hemşaredarî Serra Bucak û Dogan Hatun qezayanê teberî kerdî, waştişê dermankerdişî û problemê ke muxtaran ardî, ameyî nirxayene. Seba ke gazinê ke yenê, bi hawayêko tewr munasib bêrê çareserkerdiş, metodê neweyî ameyî dîyarkerdene û programî goreyê nînan ameyî newekerdene.

Tatbîqê ULV bi serê xo bes nêkeno

 Kombîyayîşî de îfade bî ke gazinê ke eynî mintiqaya ra pey bi pey yenê, îşaret kenê ke a saha de çimeyêkê zêdebîyayîşê aktîfî est o. Coka tena tatbîqê ULV yê ke şewe yenê kerdene bes nêkenê; ganî ekîbê tagêrayîşî yê rojane zî bêrê îstîqametkerdene.

Îdareyê sîteyan û muxtarî do bêrê agahdarkerdene 

Bale ame antene ke do agahdarkerdişê îdareyanê sîteyan ê merkezê bajar û qezayan de û muxtaranê mintiqayanê dewan rê derheqê cayê zêdebîyayîşê vektoran sey gemara awe û kerdişê îqazanê laziman do bêrê kerdene.

Kontrolî do bêrê zêdekerdene 

Kombîyayîşî de heme problemê mîyanê sînorê bajarî bi hawayêko detayin ameyî tehlîlkerdene. Wexto ke sîstemê xebate yê neweyî û pêşnîyazanê çareyan ser o ame qiseykerdene, îfade bî ke prosesê ameyoxî de mekanîzmayê kontrolî do hîna pêt bêrê xebitnayene, seba ke şar mewsimê hamnanî bi weşîye û aramîye vîyarno heme yewîneyî do bi fedakarî xebatanê xo dewam bikê.

Waştişê personelan ame goşdarîkerdene 

Serekê Daîreya Xebatanê Weşîye Vahap Saçaklî kombîyayîşî de waştişê personelan zî goşdarî kerd û dîyar kerd ke seba çareserkerdişê problemanê ke personelan xebatan kenê.