Şaredarîya Amedî ya Şaristanê Girdî, seba astengdaranê eşnawitişî piştîdayîşê bêtêlê pitikan ê lerzokî da ke wexto ke pitik bibermo bêtêl lerzîyeno û xebere dano may û pî.
Serekîya Daîreya ya Xizmetanê Astengdar û Pîran ke seba ke cuya şarê ma yê astengdaranê eşnawitişî hîna rehet û resayox bikera, gamêka newîye eşte û seba pitikanê 0-3 serreyan ke may û pîyê înan astengdarê eşnawitişî yê, projeya bêtêlê dijîtal ê lerzokî viraşt.
Wexto ke pitik bibermo do xeber bido
Proje hedef kena ke may û pîyê astengdarî ke gedeyê înan ê 0-3 serreyî est ê, do bieşkê têkilîyêka biemnîyete ronê. Cîhaze wexto ke pitik bibermo do ferq bikero û bilerzîyo. Bi no hewa do may û pî xebere bigîrê ke pitikê înan bermeno.
Perwerdeyê xebitnayîşî ame dayene
Ekîbanê şaredarî seba 7 keyeyan bêtêlî teslîm kerdî û înan rê bi ziwanê nîşanî perwerdeyê xebitnayîşî da. Keyeyan seba xizmetî keyfweşîya xo îfade kerd û hemşaredar û xebatkaranê şaredarî rê sipas kerd.
